د لاسرسي ځای


ژباړه: ګل ایاز، مشال راډيو

وال سټریټ ژورنال


د پاکستان د مالي چارو وزیر ډاکتر عبدالحفیظ شیخ په وال سټریټ ژورنال کې د خپل هیواد د اقتصاد په اړه لیکنه کړې.

د ده په وینا، له امریکا سره د ترهګرۍ او سختدریځۍ پر وړاندې له یوې لسیزې راهیسې همکاري کوي. دی وايي، دا ترهګري او او سختدریځي سیمې او نړۍ ته ګواښ دی.

((پاکستان په دې جنګ کې ډېرې قربانۍ ورکړې دي او ۳۷۰۰۰ ولسي وګړي او له ۵۰۰۰ زیات امنیتي سر تېرو [په دې جګړه کې] وژل شوي دي.))

شیخ لیکي: ((پر قربانیو سر بېره په دې جنګ کې، د هیواد پر اقتصاد منفي اغېز هم شوی او له ۱۰۰ اربه ډالرو زیاته بهرنۍ پانګونه یې له لاسه ورکړې ده.))

خو د ده په خبره، د هیواد په اقتصاد کې بدلون راغلی او یو نوی پاکستان په دې سیمه کې را منځ ته کېږي، او دې ته تیار دی چې په نړیوال بازار کې خپل ځای جوړ کړي.

دی لیکي: ((په تېرو څلورو کالونو کې د پاکستان حکومت مشکلې او مهمې پرېکړې کړې دي چې د هیواد اقتصاد پر خپلو پښو ودروي.))

ډاکتر عبدالحفیظ شیخ لیکي: ((سږ کال (۲۰۱۲) ناخالصه کورنی پیداورا به ۴ فیصده وده وکړي، چې د تېر کال پرتله دوه چنده دی.))

دی لیکي، د ۲۰۱۲ز مالي کال په لومړیو نهو میاشتو کې د مالیو غوندولو سطح ۲۴ فیصده ته رسېدلې ده. په بهر هیوادونو کې مېشتو پاکستانیانو هیواد ته ۹،۷ اربه ډالره استولي دي.

ډاکتر شیخ لیکي، همدا راز، په برامداتو کې د تېر کال د ټاکل شوي اساس پرتله ۵،۵ فیصده زیاتوالی راغلی دی. تېر کال دا اساس یا بنیاد د ۲۵ اربه ډالرو وو.

په ورځپاڼه کې د پاکستان د مالي چارو وزیر عبدالحفیظ شیخ لیکي: ((په مخ پر وده هیوادونو کې پانګونه ننګونې لري، خو پاکستان د اقتصادي ودې له پاره موزون دی.))

شیخ زیاتوي، په تاریخ کې دا لومړی ځل دی چې جمهوري حکومت به خپله د واکمنۍ موده پوره کړي.


کرسچین ساینس مانیټر

کرسچين ساينس مانیټر ورځپاڼه ليکي، د امريکا ولسمشر باراک اوباما او کانګرس ته پکار ده چې په افغانستان کې د جنګی مشن پای ته په رسېدو، د کوکنارو د کروندې پرضد د کوټلو ګامونو پورته کولو لپاره هلې ځلې وکړي.

د ورځپاڼي په وينا، په امريکا کې هر کال يو لک خلک په لومړی ځل هيروين استعمالوی او په تېره لسيزه کې په دې شمېرو کې اضافه هم شوې.

د افغانستان د مستقبل په اړه جوړېدونکي بحث کې دا شمېر هېر کړل شوی چې د ټولې نړۍ ۹۰ فيصده د کوکنارو منابع یا سرچینې په دې هيواد کې دي.

ورځپاڼه ليکي، ولسمشر اوباما په افغانستان کې د را روانې لسيزي په اړه ژمن دی خو بايد له افغانو کروندګرو سره د اوږد مهاله مرستو له پاره کانګرس په اعتماد کې واخلي؛ دغه کروندګر په دې خبره پوه کړي چې د کوکنارو د کرلو پرځای ګټور فصلونه وکري.

ورځپاڼه ليکي چې په شیکاګو کې د ناټو هيوادونو په غونډه کې د افغانستان په اړه باید اخري پرېکړي دا وکړل شي چې د هيروينو تجارت پر ضد کمپاين به اغيزناکه وي.

دا هلې ځلې نه يواځې د نړۍ له پاره بلکې، د دې هيواد لپاره هم ډېر مهم دی چې دا د درغليو او طالبانو ته د پيسو ورکولو سرچينه ده.


ورځپانه ليکي، د کوکنارو فصلونه اړول يو لنډ مهاله او خپل ځان ته د ماتې ورکولو په مانا ده.

دا د طالبانو لاسونو ته ورغلي او په ۲۰۰۹م کال کې امريکا له دې لاس اخیستي او افغان مشرانو ته يې دا کار سپارلی دی.
XS
SM
MD
LG