فرهاد شینواری، مشال راډیو
لواړګی - د خیبر ایجنسۍ په لنډی کوتل سیمه کې د انګریزانو د حکومت د وخت ډاکخانه اوس هم په خپل حالت کې اباده ده،او لا هم پکې د انګریزانو د وخت جوړ شوی مهرونه کارولۍ شی،د دغې ډاکخانې چارواکی وايي چې تر اوسه پورې دلته کوم د ربړ مهرونه نه دی کارول شوی،بلکه هغه پجوانی مهرونه پکې کاروی چې د لرګی او اوسپنې نه جوړ شوی د،دوی وايي چې د دې ډاکخانې په زریعه ځائې خلک خطونه او روپۍ لیږی رالیږی،او پنشن هم ترۍ وصلوی،او هم دا رنګ د رجسټر خطونو او د پارسل آسانتیاوې هم ورکوی.
په دې حقله باندې په دې ډاکخانه کې د تیرو ۱۴ کالونو راهیسې کارکونکی پوسټ مین ګوهر زمان مشال ریډیو ته وايي چې(( ودانې ئې هم هغه د انګریز د وخت ده،او مهرونه هم،او دوی په دې مهرونو کې نیټه، میاشت او کال په خپله بدلوی))
نوموړۍ وايي چې(( په دې کې ډول ډول مهرونه دی لکه ،،اوبلنګ،، یا څلور مخیز هندسی مهر، ګول یا تاو شوۍ مهر،او د نیټې مهر،او د نوم مهر چې یوازې لنډی کوتل پرې لیکل شوۍ دۍ، خطونه پرې رجسټرډ کولۍ شی او دروپو د لیږلو په رسید ئې هم لګوی))
د لنډی کوتل سیمې یو اوسیدونکۍ احمد نبی وايي چې(( اوس چارواکو له پکار دی چې ځائې خلکو ته پکې د کمپیوټر او د نننی دور نوې آسانتیاوې هم ورکړی او د ارجنټ میل لیږلو بندوبست هم پکې اوکړی))
د لنډیکوتل ډاکخانې مشر پوسټ ماسټر معظم شاه وايي چې(( تر اوسه پورې خو پکې د ځائې خلکو کار روان دۍ او خطونه او نور څیزونه ئې په وخت ځی راځی،او دوی ته لا څه شکایت نه دۍ ملاو شوي))
یاده دې وی چې د خیبر ایجنسۍ په لنډی کوتل سیمه کې د یادې ډاکخانې او مهرونو په شان داسې یو شمیر نورې ودانۍ او آثار هم شته.