د لاسرسي ځای

ایا د اسامه بن لادن له کورنۍ سره مرستې شوې وې؟


د دې کور په اړه ویل کېږي چې د اسامه بن لادن کورنۍ په کې نن سبا مېشته ده. دا کور په اسلام اباد کې دی

د دې کور په اړه ویل کېږي چې د اسامه بن لادن کورنۍ په کې نن سبا مېشته ده. دا کور په اسلام اباد کې دی


ژباړه: بشیر ګواښ، مشال راډیو

نيويارک ټايمز ورځپاڼې ليکلي چې د القاعده د ترهګرې ډلې مشر اسامه بن لادن کشرې ښځې پاکستاني تحقيق کوونکو ته ويلي چې خاوند يې په امريکه کې د ۲۰۰۱ کال د سپتمبر د مياشتې تر يوولسمې نيټې وروسته په پاکستان کې نهه کاله په پنځوو بيلابيلو کورونو کې و اوسېد.

ياده دې وي چې اسامه د ۲۰۱۱ کال د مئ په مياشت کې په ایبټ اباد کې د امريکا د ځانګړو ځواکونو له خوا ووژل شو.

ډکلن واش په خپله دې ليکنه کې وايي، د امل احمد عبدالفاتح په نامه د اسامه ۳۰ کالنې ميرمنې دا معلومات پاکستاني پوليسو ته د تحقيقاتو پر مهال ورکړي خو ليکوال وايي، پاکستاني پولیسو له دې علاوه هغه معلومات چې پاکستان څنګه دومره ډير وخت له امريکه څخه د اسامه په پټيدو کې مرسته کړي وه.

دا هغه کور دی چې اسامه بن لادن په کې پخوا اوسېدلی وو. دا کور په هري پور کې دی

دا هغه کور دی چې اسامه بن لادن په کې پخوا اوسېدلی وو. دا کور په هري پور کې دی

د ډکلن واش په وينا دا نوي معلومات ځينې نورې پوښتنې راپورته کوي لکه د نړۍ تر ټولو مطلوب کس څنګه کولی شول په ظاهره د دومره پاکستاني لټون باوجود د خپلې کورنۍ سره له یوه ښاره بل او بيا بل ته تګ راتګ کاوکړي؟

د نيويارک ټايمز ورځپاڼې په وينا د اسامه بن لادن د دريوو کونډو چې دا مهال د نظارت لاندې ژوند تيروي، وکيل وايي چې کيدای شي پر دوی او د دوی پر دوو لوڼو په رسمي توګه پاکستان کې په غير قانوني توګه د پاتې کيدو تور پورې شي او پنځه کال د بند سزا ورته واورول شي.

پوليس وايي د اسامه دوه مشرانو ښځو چې د سعودي عرب دي، د تحقيق کوونکو سره همکاري نه ده کړي خو د هغه کشرې ښځه چې د اسامه د وژنې د عملياتو پر مهال زخمي شوي وه، ډير معلومات ورکړي.

دا د اسامه بن لادن هغه کور دی چې پاکستاني امنیتي ځواکونو وران کړ. دا کور په اېبټ اباد کې وو، او هم دلته اسامه ووژل شو.

دا د اسامه بن لادن هغه کور دی چې پاکستاني امنیتي ځواکونو وران کړ. دا کور په اېبټ اباد کې وو، او هم دلته اسامه ووژل شو.

په دې مقاله کې راغلي چې امل ويلي په ۲۰۰۰ کال کې کراچۍ ته او بيا د اسامه بن لادن سره د واده لپاره کندهار ته لاړه. پر امريکا د ۲۰۰۱ کال د سپتمبر د میاشتې له بريدونه وروسته په افغانستان کې د هغوی ژوند سخت شو او د امل په وينا د خپلې نوې زيږيدلې لور سره واپس کراچۍ ته لاړه. نوموړې هلته نهه مياشتې و اوسېده.

امل پوليسو ته ويلي چې د يوې پاکستانۍ کورنۍ او د سعد په نامه د اسامه بن لادن د زوی په مرسته يې په دغه ښار کې اوه ځله کورونه بدل کړل.

د نيويارک ټايمز ورځپاڼې په وينا امل ويلي چې په ۲۰۰۲ کال کې دوی له کراچۍ پيښور ته لاړل او هلته د اسامه بن لادن سره يوځای شول. له دې ځايه بيا د سوات ښکلي سيمې شانګلې ته کډه شول او په ۲۰۰۳ کال کې د اسلام اباد سره نيزدې د هريپور سيمې ته لاړل.

د مقالې ليکوال د پولیسو د تحقيقاتو په حواله ليکي چې په ۲۰۰۳ کال کې امل د عاصيه په نامه لور او په ۲۰۰۴ کال کې د ابراهيم په نامه زوی راوړ. دوی دواړه د پاکستان په يوه حکومتي هسپتال کې وزيږيدل.

نيويارک ټايمز ورځپاڼه ليکي چې د اسامه بن لادن کورنۍ په ۲۰۰۵ کال کې د اسلام اباد سره نيزدې ایبټ اباد ښار ته لاړه. همدغلته د امل دوه نور ماشومان وزيږيدل. ځانګړو امريکايي ځواکونو همدغلته اسامه بن لادن د څلورو نورو کسانو سره وواژه.
XS
SM
MD
LG