د لاسرسي ځای

اورکزو:جګړه کې حکومتي سرتېري او وسله وال وژل شوي


په قبایلي سیمه اورکزۍ اجنسۍ کې د پاکستاني پوځ او وسله والو تر منځ جګړه شوې چې دواړو غاړو ته په کې مرګ ژوبله رسیدلې ده.

د پاکستان امنیتي چارواکو ویلي نښته تېره ورځ شوې چې په کې پینځه سرتیري او دولس وسله وال وژل شوي دي.

د هغوی په وینا د افغانستان پولې ته نژدې په دې قبایلي سیمه کې جګړه هغه مهال پیل شوه چې کله وسله والو د پوځ پر یوې اډې برید وکړ.

خو په دې امنیتي پیښه کې د مرګ ژوبلې رپوټونه د خپلواکو سرچینو له خوا نه دي تائید شوي
XS
SM
MD
LG