د لاسرسي ځای

افغانان به ۲۰۱۳ز کال کې ټول جنګي عملیات خپله کوي


پراګ - د امریکا ولسمشر بارک اوباما او افغان ولسمشر حامد کرزي د جمعې پر ورځ، په ۲۰۱۳ز کال کې افغان ځواکونو ته د امنیتي ذمه واريود سپارلو په اړه په ټیلي فون سره خبرې کړې دي.


سپینه ماڼۍ وایي، دواړو مشرانو ومنله چې په ۲۰۱۳ز کال کې به افغان ځواکونه د جنګي عملیاتو ذمه واره وي او امریکایي عسکر به یي ملاتړ کوي.

سپینه ماڼۍ وايي، د امریکا او افغانستان ولسمشران ژمن دي چي د ۲۰۱۴ز کال په پای کې به د امنیتي چارو مسوولیتونه په مکمله توګه، افغان ځواکونو ته سپاري.

دا شان دواړه ولسمشران په دې سلا شوي چې د ښاغلي کرزي د هغې غوښتنې په اړه به نورې خبرې کوي چي وایي، ((بهرني عسکر دې د افغانستان له کلیو ووځي.))

د کندهار په پنجوایي ولسوالۍ کي د یوه امریکایي عسکر په ډزو کې د ۱۶ ولسي وګړو تر وژنې وروسته حامد کرزي، افغان ځواکونو ته د امنیتي ذمه واريو د ژر سپارلو غږ کړی دی.

بارک اوباما، حامد کرزي ته د مې په میاشت کې د امریکا د شېکاګو په ښار کې د ناټو په سرمشریزه کې د ګډون بلنه ورکړې ده. په دې غونډه کې به په افغانستان کې د امنیتي ذمه واريو د سپارلو مرحلې په ګوته کېږي.
XS
SM
MD
LG