د لاسرسي ځای

د فاټا ځوانانو ته ټېکنیکل زدکړې ورکول کېږې


د موندو په یوه غرنۍ سیمه کې د یوه سکول انجونه او هلکان په لیکو کې ولاړ دی او څنګ ته یې د پاکستان سرتېري په ګشت دي.

د موندو په یوه غرنۍ سیمه کې د یوه سکول انجونه او هلکان په لیکو کې ولاړ دی او څنګ ته یې د پاکستان سرتېري په ګشت دي.


انيلا خالد - مشال راډيو
اسلام آباد:- له تيرې څه مودې راهسې د قبايلي سيمو اوسېدونکې د پرله پسې ترهګرۍ پېښو نه یوازې له مالي او اقتصادي پلوه زیانمن کړي دي بلکې هغوی ته یې بیلابېلې ذهني ناروغۍ هم رسولې دي.

د سیمې ګڼ ځوانان چې د زدکړې او پرمختګ کولو په عمر کې وو له ټوپکو او تماچو سره یې ژوند شو ـ

د پاکستان مرکزي حکومت او د خیبر پښتونخوا حکومت پرېکړه کړې چې د قبایلي سیمو د ځوانانو لپاره د تعلیم، روزګار او نور کاروبار برابرولو تر څنګ هغوی تېخنیکي (ټېکنیکل) مسلکي زدکړو ته وهڅوي، لکه ترکاڼي، مستری توب، مکېنیک او داسې نور....

د جنوبي وزیرستان عصمت الله وايي چې د دوی سیمه ډېره شاته پاته ده او که د سیمې ځوانانو ته مسلکي او فني زدکړې ورکړل شي نو نه یواځې به هغوی د یوه هنر خاوندان شي بلکې د خپلې کورنۍ او سیمې خدمت به هم وکړاﺉ شي او تر ډېره به له ترهګرۍ هم راوګرځي.

د مومندو اشفاق وايي د ځونانو وخت بې ځایه تېرېدی او اوس په سیمه کې له لږې کرارۍ سره به هغوی ته د یو مسلک او هنر زدکولو موقع په لاس ورشي. دی وايي د پوځي عملیاتو له کبله خپل ټېکنیکل کالج ته نه شي تلائ او هم پوځیانو پر خلکو بندیز لګولی دی. دی وايي که د هغوی لپاره د یوه سرکاري بس بندوبست وشي او هر زدکونکي ته د کالح لخوا یوه اجازت نامه ورکړل شي نو په دې سره به خپلې زدکړې جاري وساتي.

د قبایلي سیمو د تعلیم ډایرېکټر انجینیېر عبدالطاهر وايي که څه هم د فاټا لپاره فنډ ډېر محدود دی خو دوی بیا هم د ټېکنیکل تعلیم عامولو هلې ځلې کوي او تکړه زدکونکو ته د پاکستان په نورو ټېکنیکل ادارو کې د زدکړو لباره وظیفې ورکوو.

دی زیاتوي ددې ضرورت دی چې په ټېکنیکل کالجونو کې نوې مشینري ولګول شي چې زدکونکي له نویو تقاضو سره خپلې زدکړې وکړي.
XS
SM
MD
LG