د لاسرسي ځای

لورالایي:د زیارت یو کس د جاسوسۍ په تور ووژل شو


د زیارت د ورچوم یو اوسېدونکی محمد نسیم چې د ادعاوو له مخې وسله والو طالبانو د جاسوۍ په تور وژلی دی

د زیارت د ورچوم یو اوسېدونکی محمد نسیم چې د ادعاوو له مخې وسله والو طالبانو د جاسوۍ په تور وژلی دی


د بلوچستان په لورالایي ضلعه کې د یو کس په ګولیو ویشتل شوی مړی موندل شوی دی.د سیمې پولیس وايي ،له مړي سره یو مشکوک لیک هم پروت وو چې د تحریکې طالبان پاکستان لخوا لیکل شوی دی .په دې کې ادعا شوې،دا کس سرکار ته د جاسوسۍ په تور وژل شوی دی.

د لورالایي د پولیسو مشر،ناصر شاه مشال ته وویل ، ”د اتوار په شپه ځینو نا څرګنده کسانو له لورالایي ښارګوټي څخه شاوخوا ۶ کیلو میتره لیري د درګۍ په سیمه او د بلوچستان،پنجاب پر لویه لار د یو کس مړی غورځولی وو.دا کس د زیارت ضلعې د ورچوم اوسېدونکۍ وو.دی نږدې شل ورځې مخکي له کوره بې درکه شوی وو .موږ ته لا مالومه نه ده چې هغه څه کارکاوه.د هغه وروڼه راغلل او د ده مړی یې له ځان سره یو وړ. “

د پولیسو مشر وايي په لیک کې لیکل شوی وو چې دغه کس محمد نسیم نومېږي،د سرکار جاسوس وو او په څو واره یې د طالبانو ضد جاسوسي کړېده .


په دې اړه مشال ریډيو د وژل شوي کس په پلارني ټاټوبي زیارت کې له ځایي خلکو او چارواکیو سره د نور مالومات اخیستو هڅه وکړه خو هغوی له خبرو ډډه کوله.

د لورالایي د پولیسو مشر،ناصر شاه وایي،دوی په پلټنو بوخت دي او دا وخت نه شي ویلای چې دا کس څنګه پس منظر لري او آیا واقعي طالبانو وژلی هم دی که څنګه.
XS
SM
MD
LG