د لاسرسي ځای

زموږ سیمه او د نړۍ مطبوعات


په افغانستان کې دېره ناټو ځواکونو ته د مال وړونکو لاریو یو کاروان

په افغانستان کې دېره ناټو ځواکونو ته د مال وړونکو لاریو یو کاروان


بريتانوي ورځپاڼه ګارډين ليکې، پاکستان پر يو داسي پلان کار کوي چي تېره مياشت د ناټو لخوا د ۲۴ پاکستاني پوځيانو تر وژلو وروسته د بدل اخستو په توګه په افغانستان کې ناټو ځواکونو ته د سامان وړلو لپاره د پاکستانۍ خاوري پر استعمال ټېکس ولګوي. بلخوا امريکايي ورځپاڼه لاس اېنجلنس ټايمز ليکې، د امريکا د دفاع وزير ليون پنيټا افغانستان ته د خپل سفر پر مهال وويل چي د تېر کال په دوران کې يې په دې هيواد کې د امنيت په څانګه کې څرګنده پرمختګ کړی دی.

بريتانوي ورځپاڼه ګارډين ليکې، پاکستان پر يو داسي پلان کار کوي چي په افغانستان کې ناټو ځواکونو ته د سامان وړلو لپاره د پاکستانۍ خاوري پر استعمال ټېکس ولګوي. دا هر څه تېره مياشت د ناټو لخوا په يو پېښه کې د ۲۴ پاکستاني پوځيانو تر وژلو وروسته د بدل اخستو په توګه کېږي.

د پاکستان لوړپوړو پوځي او ولسي چارواکو ورځپاڼي ته ويلي چي د پلان له مخي به د هر هغه کنټېنر پر سر پيسې اخستل کېږي چي د دې هيواد له لاري تېريږي. په دې ټېکس سره به د يوې لسيزي راهيسي د روان جنګ په اخراجاتو کې نوره هم اضافه وشي چي وار د مخه لا هر کال په لسګونه ملينه ډالره خرچه پر راځي. داسي فکر کېږي چي حکومت به د هر هغه کنټېنر پر سر ۱۵۰۰ ډالره اخلي چي د پاکستان له لاري تيريږي.

د دې سربېره به د تيلو د هر ټېنکر پر سر بيلي پيسې اخستل کېږي چي د پاکستان له لاري افغانستان ته تېل وړي. د يوې اندازې له مخي هره مياشت څه باندي ۴۰۰۰ کنټېنره په افغانستان کې ناټو ځواکونو ته د درو لارو سامان وړي چي ۱۳۰۰ يې د پاکستان له لاري تيريږي. د دې سربېره هره مياشت د تيلو څه باندي۱۰۰۰ ټېنکره د پاکستان له لاري افغانستان ته ځي.


د امریکا د دفاع وزیر لیون پانیټا په کابل کې له افغان ولسمشر حامد کرزي سره ویني

د امریکا د دفاع وزیر لیون پانیټا په کابل کې له افغان ولسمشر حامد کرزي سره ویني

بلخوا بيا امريکايي ورځپاڼه لاس اېنجلنس ټايمز ليکې، د امريکا د دفاع وزير ليون پنيټا د چارشنبې په ورځ افغانستان ته د خپل سفر پر مهال وويل چي په تېره يوه لسيزه کې د تېر کال په دوران کې په دې هيواد کې د امنيت په څانګه کې پرمختګ شوی دی. په عامه توګه امريکايي چارواکې په ښکاره توګه د جګړې ګټلو ادعا نه کوي ځکه چي په افغانستان کې د اورپکو بريدونه اوس هم تر سره کېږي چي ګڼ شمېر ملکې کسانو ته پکې مرګ ژوبله اوړي.

بلخوا د طالبانو او نورو اورپکو ډلو مقاومت هم دوام لري. بل پلو له پاکستان ته سره د امريکا ترينګلي اړيکې او د افغانستان سياسي ناهيلي هغه څه دي چي له کبله يې امريکا په ښکاره توګه د خپل برياليتوب ادعا نه کوي. خو د تېر يوه کال پر مهال امريکايي کومندانانو د اورپکو په ضد د مهم پرمختګ خبره کړې ده که څه هم لاس ته راوړني يې پايداره او مستقل نه دي. ورځپاڼه زياتوي، داسي ښکاري چي پنيټا سرتيرو ته دا باور ورکوی چي د سپيني ماڼۍ لخوا له افغانستانه د عسکرو ايستل په دې مانا نه دي چي امريکا به دا هيواد پريږدي. نوموړي وويل، هر څه وينه چي موږ دلته توی کړې ده، هغه بې ځايه نه ده.
XS
SM
MD
LG