د لاسرسي ځای

تازه خبر

مشکوکه کردي یاغیانو ۲۶ ترکي پوځيان او پولیس ووژل


ترکي: د ترکیې ولسمشر عبدالله ګل په هکاري صوبه کې چې له عراق سره په پوله پرته ده.د یوې پوځي پوستې لیدنه کوي.
ترکي: د ترکیې ولسمشر عبدالله ګل په هکاري صوبه کې چې له عراق سره په پوله پرته ده.د یوې پوځي پوستې لیدنه کوي.


په ترکي کې د مشکوک کردیش یاغیانو لخوا په یوه حمله کې ۲۶ پوځیان او پولیس وژل شوي دي. دغه حمله نن د ترکي په جنوب مشرقي صوبه هکاري کې رامنځ ته شوې ده. چې پکې د ترکي میډیا په خبره ۱۶ پوځیان ژوبل هم دي.

دغه وسلوال برید د کردستان ورکرز پارټۍ اورپکو تر سره کړی، چې په تیرو څو کالونو کې تر ټولو خونړی برید دی.

د ترکیې میډیا زیاتوي ، د هیواد پوځ یې د دغه یاغیانو خلاف پوځي عملیات پیل کړي دي، ولې ملکي چارواکو لا د دغه عملیاتو پخلی نه دی کړی. د ترکيې وزیر اعظم طیب اردګان له دغې پیښې وروستو قزاقستان ته خپل سفر منسوخ کړ.

کردي بیلتون پالو ۱۹۸۴ م کال کې د ترکي حکومت خلاف وسله پورته کړې، چې له دغې وروستو کردستان ورکرز پارټي د ترکي حکومت ، امریکا او یورپي یونین لخوا یوه ترهګره ډله وګرځول شوه.

کردان همهلته په سیمه ییزه ګاونډیو هیوادونو لکه ترکي ،عراق ،شام او ایران کې ګڼ شمېر وګړي اوسېږي.

د مشال ځانګړې پاڼې

XS
SM
MD
LG