خان محمد چې د همدې کان پر سر انجن چلوي، وايي له خپلو کان کیندونکو سره یې د غرمې د ډوډۍ پر مهال خبرې شوې وې او هغوی ورته د ډوډۍ خوړلو ویلي ول: ((د غرمې شا و خوا ۱۱ بجې وې چې دوی په ټیلي فون وویل ډوډۍ را ولېږدوه، ما ډوډۍ ور ولېږدوله، او ورسره مې هغه ډکه تېله [ګونۍ، بوجۍ] را وخېژوله. [پر] دې وخت [له] ما سره همدا عمر ځوان ولاړ وو، ده را ته وویل پېښوریه! چاودنه وشوه. ما ورته [وویل] ما خو نه ده اورېدلې، په [لږ] وخت کې له نورو کانونو نور مزدوران راغلل او ویې ویل، ستاسو په کان کې چاودنه شوې ده.))
له کوټې سره د زړه خو د سکرو د کان منظر
د سکرو د همدې کان ټېکه دار رشید احمد مشال راډیو ته وویل، په تېرو ۵۰ کالونو کې په همدې غره کې دا لومړۍ چاودنه ده.: ((زه د دې کان له تېرو اووه کالونو [راهیسې] ټېکه دار یم. او دا کان له تېرو ۵۰ کالونو [راهیسې] روان دی. تر اوسه نه هم په دې کان کې او نه هم په شا و خوا کانونو کې داسې چاودنه شوې ده.))
