د لاسرسي ځای

د انور العوله قي وژنه امریکایانو ته خطر زیاتولای شي


د امریکا د بهرنیو چارو وزارت خبرداری ورکړی دی چې په یمن کې امریکا کې د زیږېدلي انوار العولقي له وژل کېدو وروسته په نړۍ کې شاوخوا د امریکا ضد د تشدد خطر زیاتېدلای شي.

بیان زیاتوي د هغه وژل کېده کېدای شي ځانګړي کسان او ډلې د امریکانو او امریکايي ګټو پر ضد بدل اخیستونکو بریدونو ته را پاروي. انور العوله قي د جمعې په ورځ په یمن کې د بې پیلوټه الوتکي په برید کې وژل شوی وو.

امریکا هغه وخت هم داسې خبرداری ورکړی وو چې کله د القاعده مشر اسامه بن لادن سږ کال د مئ پر دویمه نېټه په پاکستان کې وژل شوی وو.
XS
SM
MD
LG