د لاسرسي ځای

له پاکستانه بغیر په سیمه کې ثبات نشي راتللای: ملن


امریکايي جنرال مارټن ډمپزي د ټولو ځواکونو د مشر په توګه دنده سمبالوي.

امریکايي جنرال مارټن ډمپزي د ټولو ځواکونو د مشر په توګه دنده سمبالوي.

رپورټ: مشال راډیو

پراګ
- د امریکا د ټولو پوځونو مشر ایډمرل مایک ملن ویلي له پاکستان بغیر په ټوله منطقه کې استحکام نشي راتللای.

د جمعې په ورځ، خپله دنده د امریکا د ټولو پوځونو نوي مشر جنرال مارټن ډمپزي ته د سپارلو غونډې ته د وینا پر مهال مایک ملن وویل اوس هم باور لري چې د پاکستان له ملګرتیا بغیر ټوله منطقه یو باثباته مستقبل نشي لرلای.

نوموړي پر جنرال مارټن ډمپزي زور راوړی دی چې د پاکستان اهمیت دې په پام کې ونیسي او تر ده هم ښه کار وکړي.

ایدمرل مایک ملن ویلي ول حقاني اورپکه ډله د پاکستان د آی ایس آی مټ دی.

تېره اوونۍ د امریکا د سینېټ د پوځي خدمتونو کمېټۍ ته ایډمرل ملن ویلي ول چې د حقاني اورپکه شبکه د پاکستان د استخباراتي ادارې آی ایس آی مټ دی.

تر دې وروسته د دواړه هېوادونو اړیکي ډېر خراب شول.

نوموړي د خپلو خبرو پر مهال ویلي ول چې په پاکستان کې مېشته حقاني شبکه د دې هېواد آله کار ده.

پاکستان دا خبره رد کړې ده او دا تورونه یې بې بنسټه بللي دي.

د امریکا و پاکستان تر منځ اوسمهاله کړکېچ د دې باعث شو چې وزیر اعظم یوسف رضا ګیلاني د ټولو ګوندونو غونډه ور وغوښته او د هېواد پر پالیسیو یې خبرې وکړې.
XS
SM
MD
LG