د لاسرسي ځای

د چترال پر پېښه له افغانستانه د پاکستان احتجاج


اورپکو طالبانو تر دې وړاندې په بره دیر کې هم پر پاکستانیو امنیتي ځواکونو برید کړی وو او ۴۵ تنه یې وژلي وو.

اورپکو طالبانو تر دې وړاندې په بره دیر کې هم پر پاکستانیو امنیتي ځواکونو برید کړی وو او ۴۵ تنه یې وژلي وو.

پاکستان د هغې پېښې پر سر افغانستان ته احتجاج کړی دی چې له دې هیواد څخه اورپکو د پاکستان شاوخوا پنځویشت امنیتي عسکر ووژل.

د پاکستان د بهرنیو چارو دفتر ویلي چې د خیبر پښتونخوا د چترال په سیمه کې د شنبې په ورځ رامنځ ته شوې دې پېښې پر سر یې په اسلام اباد کې د افغانستان سفارتي چارواکو ته رسمي احتجاج کړی دی.

ددغه اورپکو طالبانو په اړه ویل کېږي دوی په هغو سیمو کې پناه اخلي چې د افغانستان د دولت وسله وال مخالفان پکې ځای پر ځای دي.

رپوټونه وايي چې په سلګونه اورپکي د شنبې په سهار وختي له افغانستانه اوښتي او د پاکستان د چترال په سیمه کې یې پر یوه امینتي پوسته برید کړی چې د پاکستانیو چارواکو په وینا پنځویشت عسکر په کې وژل شوي دي.

خو رپوټونه د ځینې نورو چارواکو له خولې لیکي چې په دې پېښه کې د وژل شوو پاکستانیو عسکرو شمېر لږ تر لږه پنځه دېرش وو.

بل پلو پاکستاني ځواکونه وايي چې د دې پېښې په ترڅ کې یې د جګړې پر مهال دولس اورپکي وژلي دي.

پاکستان وايي چې ناټو او د افغانستان دولت باید د هغو پاکستاني طالبانو مخه ونیسي چې په پاکستان کې له حملو وروسته د افغانستان په کونړ او نورستان ولایتونو کې پناه اخلي؛ خو افغانستان په تېرو څو میاشتو کې د پاکستان پوځ او ملېشه ځواک د افغانستان پر کلیوالي سیمو د درنو وسلو په وسیله پر حملو تورن کړی او احتجاجونه یې کړي دي.

په افغانستان کې د پاکستان پخوانی سفیر رستم شاه مهمند وايي چې په چترال کې برید پاکستانیو طالبانو کړی دی .دده په خبره دا هغه طالبان دې د پاکستاني پوځ د عملیاتو په نتیجه کې افغانستان ته اوښتي دي او وخت په وخت د خپل غچ اخیستو لپاره دې غاړې ته پر پاکستانیو امنیتي ځواکونو بریدونه کوي.

ددغه اورپکو طالبانو په اړه ویل کېږي دوی په هغو سیمو کې پناه اخلي چې د افغانستان د دولت وسله وال مخالفان پکې ځای پر ځای دي.

د سږکال د جولای په میاشت کې هم شاوخوا ۶۰۰ پاکستاني طالبانو په بر دیر کې د پاکستان د ملېشه ځواکونو پرچوکیو برید وکړ او ۴۵ تنه یې ووژل.
XS
SM
MD
LG