د لاسرسي ځای

مرحوم ډاکټر فاروق او نورو ته د ښه کارکردګۍ تمغې


پوهاند او عالم دین ډاکټر محمد فاروق خان پروسږ کال وسله والو طالبانو ووژلی

پوهاند او عالم دین ډاکټر محمد فاروق خان پروسږ کال وسله والو طالبانو ووژلی


نن په پاکستان کې د آزادۍ ورځ لمانځلو په موقع د پاکستان صدر آصف علي زرداري ويلي چې ملک یی د مختلف چیلنجونو سره مخامخ دې چې پکار ده ټول یو ځای کار وکړي.

نوموړي د ښه کارکردګۍ په اساس د پښتو ژبې دیو تکړه سندرغاړي ګلزار عالم په ګډون یو شمېر نورو کسانو ته اعلی ملکي تمغې اعلان کړې.
ګلزار عالم د پښتو یو وتلی سندرغاړی



له اسلام آباده د مشال ریډیو خبریال وایی ګلزار عالم ته د تمغه حسن کارکردګي په نوم انعام ورکړل شوې .

په نورو کسانو کې ډاکټر محمدفارو ق خان شامل دی چې یو لوی اسلامی عالم و. هغه تېر کال وسله والو طالبانو په یو برید کې ووژلو.

بل خوا ساینس پوه ډاکټر ضابط خان شنواري ته هم د انعام ورکولو اعلان شوې دې. چې د کوهاټ یونیورسټي مشر دی.

د آزادۍ ورځې په مناسبت په سوات کې اوسیدونکي خلک وایی چې د پخوا په شان د آزادۍ ورځ لمانځلو ته جوړ نه دي. او په دې ډېر خپه دي چې اوس یې هم ژوند تریخ او ناکراره دی.

نن په پاکستان کې د آذادۍ پنځه شپيتم کال لمانځل کیږي
XS
SM
MD
LG