د لاسرسي ځای

په سعودي عرب کې د یوې ښځې مقدمه


په سعودي عرب کې له القاعده سره د تړاو په تور د یوې ښځې مقدمه پیل شوې ده.

سعودي رسنۍ وايي دا لومړۍ ښځه ده چې په دې هېواد کې د ترهګرۍ د فعالیتونو په تور دولت تورنه کړې ده. رپورټونه وايي، د یکشنبې په ورځ ځانګړي جنايي عدالت د دې ښځې د مقدمې اورېدنه پیل کړه. دا ښځه په دې تور نیول شوې وه چې له القاعده سره یو ځای شوې وه، د دې ترهګرې شبکې اشتهاري عناصرو ته یې پناه ورکړې وه، او دې ته یې غړي استخدامول. دا ښځه په سعودي رسنیو کې د (القاعده د ښځې) په نوم یادول کېږي. ویل کېږي د مقدمې تر لاندې دا ښځه ۴۵ کالنه ده. رسنۍ وايي باور لري دا ښځه تېر کال په بوریده ښار کې نیول شوې وه چې د قاسم ولایت مرکز دی. له سعودي عربه د راغلیو رپورټونو له وینا سره سم، د دې ښځې کورنۍ غوښتنه کړې وه چې د دې مقدمه دې د ولس مخې ته نه کېږي؛ نو ځکه اوس دا اورېدنه په شخصي ډول، او د رسنیو له موجودګۍ پرته شوې ده.
XS
SM
MD
LG