هارون باچا، مشال راډیو
واشنګټن - ملګرو ملتونو له القاعده سره په تړاو درلودو د پاکستان د طالبانو پر تحریک بندیز لګولی دی.
د ملګرو ملتونو د امنیت شورا ویلي دا بندیزونه هغې کمېټۍ لګولي دي چې د القاعدې کارونه څاري.
د شورا په وینا، په بندیزونو کې د تحریک طالبان پاکستان شتمنۍ کنګلول، په سفر کولو او د وسلې لېږد را لېږد شامل دي.
رویټرز خبري اژانس وايي د پاکستانیو طالبانو دا شبکه، په ۲۰۰۷ز کال کې د وړو وړو ترهګرو او وسله والو ډلو د یو ځای کېدو په نتیجه کې جوړه شوه، چې اوسمهال یې مشري حکیم الله مسود (محسود، مسید هم ویل کېږي) په لاس کې ده.
اژانس د یوې پاکستانۍ ورځپاڼې د هغه خبر حواله هم ورکړې ده چې ښايي د طالبانو د تحریک په دې وسله والې ډلې د حکیم الله مسود کنټرول کم شوی دی.
تېر کال د مې په میاشت کې، امریکا د نیو یارک په ټایمز څلور لاره کې د موټر بمي برید نا کامه هڅه شوې وه، چې پړه یې د پاکستان طالبانو پر غاړه اخیستې وه او ویلي یې ول دوی غوښتل دا برید وکړي.
امریکايي امنیتي ادارو د دې برید د هڅې په تور یو پاکستانی توکمه امریکايي فیصل شهزاد نیولی وو.
امریکايي عدالت بیا وروسته فیصل شهزاد ته د ټول عمر د بند سزا واوروله.
د ملګرو ملتونو تر دې ګام لا مخکې، امریکايي حکومت تحریک طالبان پاکستان د ترهګر سازمان په توګه نومولې وه.
تحریک طالبان په پاکستان کې هم د ګڼ شمېر بریدونو پړه پر غاړه اخیستې ده.
د ملګرو ملتونو د امنیت د شورا کمېټۍ وايي د روسیې په شمالي قفقاز کې پر فعالې یاغي ډلې (د قفقاز د اماراتو تنظیم) هم ورته بندیزونه لګول شوي دي.
واشنګټن - ملګرو ملتونو له القاعده سره په تړاو درلودو د پاکستان د طالبانو پر تحریک بندیز لګولی دی.
د ملګرو ملتونو د امنیت شورا ویلي دا بندیزونه هغې کمېټۍ لګولي دي چې د القاعدې کارونه څاري.
د شورا په وینا، په بندیزونو کې د تحریک طالبان پاکستان شتمنۍ کنګلول، په سفر کولو او د وسلې لېږد را لېږد شامل دي.
رویټرز خبري اژانس وايي د پاکستانیو طالبانو دا شبکه، په ۲۰۰۷ز کال کې د وړو وړو ترهګرو او وسله والو ډلو د یو ځای کېدو په نتیجه کې جوړه شوه، چې اوسمهال یې مشري حکیم الله مسود (محسود، مسید هم ویل کېږي) په لاس کې ده.
اژانس د یوې پاکستانۍ ورځپاڼې د هغه خبر حواله هم ورکړې ده چې ښايي د طالبانو د تحریک په دې وسله والې ډلې د حکیم الله مسود کنټرول کم شوی دی.
تېر کال د مې په میاشت کې، امریکا د نیو یارک په ټایمز څلور لاره کې د موټر بمي برید نا کامه هڅه شوې وه، چې پړه یې د پاکستان طالبانو پر غاړه اخیستې وه او ویلي یې ول دوی غوښتل دا برید وکړي.
امریکايي امنیتي ادارو د دې برید د هڅې په تور یو پاکستانی توکمه امریکايي فیصل شهزاد نیولی وو.
امریکايي عدالت بیا وروسته فیصل شهزاد ته د ټول عمر د بند سزا واوروله.
د ملګرو ملتونو تر دې ګام لا مخکې، امریکايي حکومت تحریک طالبان پاکستان د ترهګر سازمان په توګه نومولې وه.
تحریک طالبان په پاکستان کې هم د ګڼ شمېر بریدونو پړه پر غاړه اخیستې ده.
د ملګرو ملتونو د امنیت د شورا کمېټۍ وايي د روسیې په شمالي قفقاز کې پر فعالې یاغي ډلې (د قفقاز د اماراتو تنظیم) هم ورته بندیزونه لګول شوي دي.
