د لاسرسي ځای

له پاکستاني غاړې بریدونو افغان جنرال استعفا ته اړکړ



بازمحمد عابد جلال آباد

د افغانستان په ختيځ زون کې د سرحدي ليوا قومندان جنرال امين الله امرخيل دپاکستاني ځواکونود پرله پسې بريدونو بنديو او د ولس سره په خپلو ژمنو کې د پاتې راتلو له امله استعفا کولو ته اړ شو .

د دغې ليوا د مطبوعاتي دفتر مسول ادريس مومند د پنج شنبې/ زیارت په ورځ مشال ریډیو ته وويل چې نن جنرال امين الله امرخيل کورنيو چارو وزارت ته د خپله استعفا وړانديې کړه.

هغه وويل،"جنرال امرخیل صيب راته له کابله په ټلیفون وويل چې نور په ختيځه سيمه کې د پاکستاني ځواکونو تېری او د بې ګناه ملکي وکړو مرګ ژوبلې زغم نه لري ، ځکه په خبره يې مرکزي دولت او نړيوالي ټولنې چې کومي ژمني د دغو بريدونو د بنديز په اړه کړې وې هغه يې پلی نه کړې٬٬

دغه راز هغه وويل چې جنرال امرخيل ورته دا هم ويلي چې ما چې کوم ګواښونه او ژمنې د پاکستان پر وړاندې له ولسونو سره کړې وې هغه نه شم پوره کولای ، نو زما نور په دنده کې پاتي کيدل تاريخي بدنامي ده.

په روانه میاشت کې په بیا بیا افغان دولت پر پاکستان تور لګولی چې د دوی له غاړې پرخاوره د توغندیو بریدونه کېږي چې د دوی په خبره په کونړ کې له دغو بریدونو سلو زياتو ولسي وګړوته مرګ ژوبله اوښتي ده .او ادعا کوي چې د کونړ په دانګام، شیګل، اسمار، او خاص کونړ ولسوالیو کې دا بریدونه شوي دي. دوی وايې چې د بريدونوله امله په سيمه کې دميشتوخلکو يوشميرکورنه ړنک شوي اوګڼ څاروي په کې هم وژل شوي دي.

افغان ولسمشر حامد کرزي پر پاکستان تور پورې کړی وو چې د هېواد پر مشرقي ولایتونو ۴۷۰ راکټونه ورولي دي. د افغانستان سرحدي چارواکي وايي بریدونه د کونړ او ننګرهار ولایتونو په هغو ځایونو کې شوي دي چې ترې د ناټو ځواکونه وتلي دي. چارواکي وايي دا ځایونه اوس پاکستانیو طالبانو ډک کړي دي او ملکي وګړو سیمه پريښې ده. کرزي په خپل بیان کې اشاره ورکړې ده چې د هغې خوا د حکومت ځواکونه د دې بمبارۍ لپاره پړ دي او دا چې دا بریدونه باید سمدستي ودرول شي.


خو ددغه تورونو په اړه د پاکستان د پوځ د عامه اړیکو د دفتر ویاند مېجر جنرل اطهر عباس ويلي قصداً یې هیڅ راکټونه نه دي ویشتلي خو دا امکان شته چې په حادثاتي ډول ځېنې توغندي هغې خوا ته غورځېدلي وي.

د مشال ویډیوګانې، انځورونه

انځورونه، ویډیوګانې

تفصیل...
XS
SM
MD
LG