د لاسرسي ځای


فرخنده وزیر مشال ریډیو

رایټرز خبری اژانس د پاکستان او د هند د دفاع سیکرېټریانو د ګل ورځې د غونډې په اړه لیکې، دواړه هیوادونه غواړې، د سیاچین نه خپل پوځ راوباسې او ددې مسلې حل ولټوي.

د هندوستان او پاکستان د دفاع سیکرېټریان به نن په نوي ډلي کې د سیاچین په مسله خبرې کوي، چې د دواړو هیوادونو تر مینځ د نړۍ یو له ترټولو دنګ جنګي سنګر بلل کېږی ،هغه وخت جوړ شو، چې د پاکستان او هند پوځیان په ۱۹۸۴ م کال په دغه ځایی کې له یو بل سره مخامخ شول.

سیاچین چې د پوځې ماهرانو په وینا د پوځیانو لپاره د اوسیدو یو مشکل ځای دی ، د سمندر نه شل زره فټه لوړ پروت دی،چې پکې د هند او پاکستان زیاتره عسکر د جګړې پر ځای د واورو ښوېدو نه مري، او د سختو واورو له کبله یې کال و سر موسم سوړ وي.

او دا هغه ټولې وجې دې ، چې د پاک و هند تر مینځ په خبرو کې پر دې مسله ډیر لږ څه ویل شوي دي. اوس دواړه هیوادونه غواړې چې د نورو سره په دې مسله هم خبرې وکړي.

په پاکستان کې د دفاعي چارو کارپوه عایشه صدیقه مشال ریډیو سره په یوه مرکه کې وایي، که چیرې دواړه هیوادونه وغواړي نو د سیاچین او سرکریک مسلې ډیری ژر حل کیدای شې.،” پاکستان په دې کې د هندوستان د پوځ نه زیاته دلچسپي لري، کله چې هم دواړو هیوادونه پر دې خبرې کړې نو د هندوستان څه تحفظات دي ، او هغه دا چې د پاکستان پوځ بیرته دغه ځای ته رانشي ، هغوی څه ضمانت غواړي، او تر څو چې د سرکریک مسله ده نو دا په یوه شپه هم حل کیدای شې.٬٬

رایټرز خبري اژانس د پاکستان د بهرنو چارو د پخواني وزیر شاه محمود قریشی له خولی لیکې، د سیاچین مسله دومره مشکله نه ده ، دا سیاسي زغم او ځیرکتیا غواړي .

هند او پاکستان دواړه دا هڅې کوي چې د سیاچین نه خپل پوځ راوباسي، خو هند زیاتوي تر هغې پوری څه فیصله نشي کولی ، تر څو چې پاکستان په سرکاري توګه د خپلو پوځونو ځای نه وي ښودلی.

رایټرز زیاتوي دهند وزیر اعظم من موهن سنګ د کانګرس ګوند د ځینو غړو د مخالفت باوجود غواړي له پاکستان سره د سولې خبری پر مخ یوسي.

ددې پوښتنې په ځواب کې چې دکشمیر مسلې هوارولو وروستو به د افغانستان په ستونزه څه اثرات وغورځیږي، او ایا پاکستان به د طالبانو حمایت پریږدې او که نه، په ځواب کې عایشه صدیقه وایی،”ګورۍ که د طالبانو د حمایت خبره ده، نو زما په خیال د طالبانو سره اوس د پاکستان د کشمیر د وجې نه هغه پخوانۍ اړیکې نشته، بیا هم څه فرق خو به راځی، خو دا چې پاکستان به هند ته څه پریږدې دا یوه بېله مسله ده، او داشان د افغانستان مسله هم جدا ده.په افغانستان کې بیا د دواړو هیوادونو مسلې بیلې دې، او د دې خبرو به د افغانستان پر ستونزه څه اثر و نه غورځیږې. “

د هند د بهرنیو چارو یو پخوانې سیکټرې کنول سبل رایټرز خبرې آژانس ته ویلي، فکر نه کوي، چې په دې خبرو کی به دا مسلی دومره ژر هوارې شي.
XS
SM
MD
LG