په افغانستان کې د هلمند ولایت والي په کمین ناستو کسانو د حملې او د هغه جګړې نه بچ شوې چې پکې په ډزو کې دوه برید کونکي وژل شوي دي.
د والي محمد ګلاب منګل دفتر وایی چې نوموړی د سنګین ولسوالۍ د دورې نه وروسته لشکر ګاه ته واپس روان و چې برید کونکو یې په موټر حمله وکړه.
دا برید هم په هغه ورځ شوې چې د افغانستان د جاسوسۍ ادارې مرستیال مشر احمد ضیا هم د وژونکې حملې نه بچ شوې. چې پکې برید کونکې د هغه د ساتونکو لخوا وژل شوې.