د لاسرسي ځای

کراچۍ کې لاهم د ټرانسپورټرانو هړتال دوام لري


په کراچۍ کې اکثره وخت په پېښو کې مسافر بسونه،رکشې او ټېکسان سوزول کېږي

په کراچۍ کې اکثره وخت په پېښو کې مسافر بسونه،رکشې او ټېکسان سوزول کېږي


ظفر کریمي مشال رېډیو کراچۍ


تېره شپه ناوخته د خزانې مرکزي وزير ډاکټر عبدالحفيظ شيخ د سیند ګورنر هاوس کراچۍ کې د ايم کيو ايم له مشرانو سره د خبرو اترو وروسته خبري غونډې ته وویل ،” چې نړيوال مارکيټ کې د تېلو د نرخونو لوړيدو له وجې يې مجبورا د تېلو بېې لوړی کړي دي او زیاته یې کړه، چې له حکومت سره د خلکو د مشکلاتو احساس دی ـ٬٬

وزير ډاکټر عبدالحفيظ شيخ وويل، چې د مارچ له لمړی نېټې چې د تېلو په نرخ کې کوم زياتوالی شوی دی ،دهغه زياتوالي شرح تر نیمايي راټيټوي. او دا شرح د ۹.۹ فيصده څخه ۵ فيصده ته راکموي.او ویې ویل ددې له وجې به حکومت باندې نور بوج هم پريوزي ،خو دا خبره فېصله شوې ده.

ددې اعلان نه پس سر له ننه د پټرولییمو د نویو بییو له مخې د پټرولو نرخ ۷۶،۵۳ د ډيزلو نرخ ۸۲،۲۱ او د خاورو تېلو نرخ ۷۴،۴۵ في ليټر وي ـ

د حکومت له لوري د تېلو د نرخونو د کمولو له اعلان وروسته اوس هم د ټرانسپورټرانو هړتال دوام لري ،د کراچۍ ښار په سړکونو د سورلو بسونه نه تر سترګو کيږي ، خو د ټرانسپورټ د اتحاديې مشر سيد محمود افريدي مشال ريډيو سره په خبرو کې د حکومت د تېلو په نرخونو کې د ۵۰ فيصده کموالي هرکلی کړې او ويلي يې دي چې نن به د ټرانسپورټ اتحاديې د مشرانو غونډه رابلل کېږي چې د پټرولییمو دجګو نرخونو پرضد خپل روان هړتال ختم کړي که څنګه.

بلخوا سني تحريک چې د پټرولییمو دجګو نرخونو پرضد یې هرتال اعلان کړې و،د حکومت د نوې فېصلېوروسته بيړنۍ غونډه راغوښتې او پرېکړه یې کړې چې نن د جمعې په ورځ به هړتال جاري ساتي ـ د سني تحريک ددې فېصلې وروسته نن د کراچۍ ښار زياتره بازارونه بند دي.
XS
SM
MD
LG