د لاسرسي ځای

لیبیا: په تاوتریخوالي کې لږ تر لږه شل کسان وژل شوي


له لیبیا راغلي رپورټونه وايي په هېواد کې د حکومت پر ضد د غوسې تر ورځې وروسته د شپې پر مهال هم مظاهرې روانې وې او د تاوترخوالي په پېښو کې لږ تر لږه شل کسان وژل شوي دي.
رپورټونه وايي په زرګونو خلک د هېواد په تر ټولو لوی ښار بېن غازي او ورسره په بلې سیمې البایده کې راغونډ شوي ول. له ځېنو نورو ښارونو هم د ناکرارۍ خبرونه راغلي دي. د بشري حقوقو د څار اداره هیومن رایټس واچ وايي د امنیتي سرتېرو او د مظاهرچیانو ترمنځ د نښتو له کبله ۲۴ کسان وژل شوي دي. هیله ده چې د ځېنو وژل شویو جنازې نن وشي. د لیبیا د هېواد مشر معمر قذافي پلویانو هم په پلازمېنې ترېپولي کې لاریون کړی دی. د لیبیا ناکراري هم د عرب هېوادونو د ناکراریو د هغې لړۍ برخه ده چې له کبله یې په تیونس او مصر کې ولسمشران له خپلو دندو لرې کړل شول. معمر قذافي هم له څلوېښتو کالونو راهیسې واکمن دی.
XS
SM
MD
LG