د لاسرسي ځای

د رېمنډ ډېوس معامله وځنډول شوه.


په پاکستان کې عدالت په لاهور کې د امریکا د قونصلیټ د کارکوونکي په اړه د معاملې اورېدنه د راتلونکې میاشتې تر څوارلسمې نېټې ځنډولې ده.
د امریکا د قونصلیټ دا کارکوونکی چې په رسنیو کې یې نوم رېمنډ ډېوس راغلی دی د تېرې میاشتې په ورستیو ورځو کې په لاهور کې دوه کسان ووژل. د ننۍ اورېدنې پر مهال حکومت له عدالته وغوښتل چې نور وخت دې ورته ورکړي چې د دې امریکايي وګړي پر معاملې خپل چمتوالی وښيي. رېمنډ ډېوس وايي د جنورۍ په اووه ویشتمه یې دوه کسان په خپله دفاع کې وژلي دي. د نوموړي د معاملې له کبله د امریکا او پاکستان اړیکي له کړکېچ سره مخامخ دي. هلته د امریکا سېنېټر جان کیري هم د پاکستان سفر کړی دی او پر پاکستان یې زور راوړی دی چې د سفارتي استثنا په لړ کې دې رېمنډ ډېوس خوشې کړي. په زرګونو پاکستانیان وايي چې پر رېمنډ ډېوس دې د مرګ مقدمه وچلېږي. سېنېټر کیري هم ژمنه کړې ده چې که رېمنډ ډېوس خوشې کړل شو نو په امریکا کې به له جنايي پلټنو سره مخامخ شي.
XS
SM
MD
LG