په خیبر پښتونخوا کې د روانو بارانونو سره په تړلو پیښو کې لږ تر لږه ۲۱ کسان وژل شوي او ۳۲ نور ژوبل شوي دي. د ژغورنې د ادارو چارواکي وايي چې له بارانونو وروسته په یو شمېر سیمو کې سېلابونه راغلي، او خواوشا ۳۳۰ کورونه یې په جزوي توګه او نور ۵۳ یې په مکمله توګه ویجاړ کړي دي. د چاپیریال د ساتنې پوهان وايي چې په سیمه کې ماحولیاتي بدلون د بارانونو ترتیب ګډوډ کړی دی او باید حکومت او ولس په شریکه د چاپیریال د ساتنې لپاره کار وکړي. نن د کرښې په غاړه کې په دغه موضوع بحث کوو.